Här Präsident,
sou wéi den Artikel 83 vum Chambersreglement et virgesäit, bieden ech Iech, des parlamentaresch Fro un den Här Tourismusminister weiderzeleeden.
D’Aktioun vun de sougenannten “Iwwernuechtungsbongen” à 50€ war d’lescht Joer ee Succès: bis Enn 2020 goufen iwwer 94.000 där Bongen ageléist. D’Gültegkeet vun de Bongen ass am Dezember 2020, bis den 18.04.2021 verlängert ginn; de Minister huet dat an der Äntwert op d’parlamentaresch Fro Nr. 3171 esou argumentéiert: “Säitdeem Enn November nei covid-bedéngte Restriktiounen agefouert gi sinn, an notamment d’Restauranten hir Dieren erëm hu missen zoumaachen a keng organiséiert Fräizäitaktivitéite méi stattfannen, ass e Séjour an engem vun eisen Hebergementsbetriber an dëse Wochen natierlech och erëm manner interessant fir potentiell Client’en ginn.” Des Restriktioune sinn nach ëmmer a Kraaft, dat op mannst nach bis de 14. Mäerz.
An deem Zesummenhang wollt ech dem Här Tourismusminister des Froe stellen:
– Wéi vill Bonge sinn, zanter der Verlängerung, iwwert d’Wanterméint nach zousätzlech ageléist ginn?
– Huet d’Regierung wëlles, d’Gültegkeet vun de Bongen, déi am Ëmlaf sinn, nach emol ze verlängeren?
– D’Aktioun “Iwwernuechtungsbongen” ass net nëmme béi de Privatpersoune gutt ukomm, mee huet eben och dem Secteur vill gehollef: 69% vun den Hotelieren an 61% vun de Campingsbedreiwer haten an der Saison 2020 eng Hausse u Lëtzebuerger Clienten ze verzeechnen. Envisagéiert de Minister deementspriechend, déi ganz Aktioun komplett ze widderhuelen, an all Bierger a Frontalier e neie Bong fir d’Saison 2021 zur Verfügung ze stellen?
Mat déiwem Respekt,
Francine Closener
Deputéiert
Hei d’Äntwert vum Minister: