Am Mäerz d’lescht Joer huet d’Europäesch Kommissioun eng breet Consultatioun iwwert en „europäesche Sockel vun de soziale Rechter“ lancéiert an an dem Zesummenhang en éischten Entworf vu Propositioune virgeluecht. D’LSAP huet sech mat hirem Aarbechtsgrupp „Questions européennes“ an deene leschte Méint mat de Froen, déi am Kader vun der consultation publique vun der EU-Kommissioun opgeworf goufen, befaasst an deementspriechend Virschléi a Kritike formuléiert.