Eng ‘Prime Unique’, esou wéi d’CSV se virgeschloen huet, fir dem Personal am Gesondheets- a Fleegesecteur Merci ze soe fir hiren Asaz an der ablécklecher Kris, ass e schéine Gest. Dat seet den Yves Cruchten an engem Standpunkt. “Ech sinn awer der Meenung, dass dës Initiativ ze kuerz gräift, dass den Effekt dovunner schnell erëm verpufft”, ass den LSAP-President iwwerzeegt. A sengen Ae wier eng Opwäertung vun de Karriäre vun dëse Beruffer an en eenheetleche Kollektivvertrag eng besser a virun allem eng méi nohalteg Manéier fir de Concernéierten déi néideg Unerkennung ze ginn. Gläichzäiteg géifen doduercher wuel och déi eenzel Beruffer am Gesondheets- a Fleegesecteur, alles Beruffer déi a groussem Mooss perséinlechen Asaz géife verlaangen, méi attraktiv fir Jonker.

De Corona-Virus stellt d’Welt virun Erausfuerderungen, déi sech esou säit dem 2. Weltkrich net gestallt hunn. De Virus huet kee Verstand mee mir hunn es: Mir däerfen elo net ee géint deen anere virgoen, mee zesumme géint de Virus. Wa mir all solidaresch sinn, da packe mir och dës Kris.

“Obwuel d’Gläichberechtegung gesetzlech verankert ass, si vill Fraen a Männer sech net bewosst, dass vill Aarbechten obwuel se als selbstverständlech ugesi ginn a virun […]